ဘဝက လော်ကယ်ရထားတစ်စင်းလို
သောကတွေအပြည့်အသိပ်နဲ့
ခနော်ခနဲ့သံလမ်းပေါ်မှာ
ငြီးငြူသံတချုန်းချုန်းပေးရင်း
ခရီးနှင်လို့.....
မြို့ပြဆိုတာကလည်း
ပတ်တီးလိုက်ဆေးမှုတ်ထားတဲ့
ကားတစ်စီးလိုပါပဲ.....
အလံဖြူကိုင်ရင်း
ဓနသဟာရမြို့ကိုပတ်တော့လည်း
ဆက်ဆံရေးကြဲလွန်းတဲ့ငွေက
ခေါင်းပြူလို့တောင်ကြည့်ဖော်မရဘူး.....
သစ္စာတရားတွေ မိုးခေါင်နေသမျှ
သမာဓိလမ်းကလည်း
ပတ်ကြားရာအပြည့်နဲ့.....
လက်ယက်ခေါ်နေတဲ့
ယမကာဆိုင်မှာတော့
ဂီတသံစဉ်တွေမြူးကြွလို့.....
ဗုဒ္ဓရဲ့အမြိုတ်တရားမှာတော့
လမ်းဆုံးမှာ... နိဗ္ဗန်... ရှိ... သတဲ့.....
No comments:
Post a Comment